آئی ایم ایف دا نویں قرض پروگرام لئی پاکستان نال ڈو مور دا مطالبہ
اسلام آباد(بیورورپورٹ)عالمی مالیاتی فنڈ(آئی ایم ایف) نے نویں قرض پروگرام لئی پاکستان توں ڈومور دا مطالبہ کردتا۔ذرائع دے مطابق آئی ایم ایف نے پاکستانی حکام توں نویں بجٹ وچ درآمدات اُتے عائد پابندیاں گھٹ کرن ، نویں بجٹ وچ برآمدی شعبیاں نوں دتی جان والی سبسڈی ختم کرن تے درآمدات اُتے ڈیوٹیاں گھٹ کرن دا مطالبہ کیتا۔آئی ایم ایف نے زور دتا کہ درامدات اُتے عائد پابندیاں مرحلہ وارختم کیتیاں جان۔ذرائع مطابق وزارت خزانہ نے درآمدات اُتے عائد ڈیوٹیاں گھٹن کرن اُتے اتفاق کرلیااے ۔ وزارت تجارت نے ٹیرف وچ کمی دے فیصلے وچ مقامی صنعت دے تحفظ اُتے زور د یندیاں ہویاں موقف اختیار کیتا کہ ٹیرف گھٹن دا فیصلہ مقامی مارکیٹ دے تحفظ نوں پیش نظررکھ کے کیتا جانا چا ہیدا ۔ وزارت تجارت نے درآمدات اُتے عائد پابندیاں مکمل طور اُتے ختم کرن دی مخالفت وی کیتی اے۔
