بجٹ وچ امپورٹڈ خوراک تے سولر پینل مہنگے ہون دا امکان

اسلام آباد(بیورورپورٹ) وزیراعظم شہباز شریف نوں آئندہ مالی سال ایف بی آر لئی12 ہزار 9 سو ارب روپے ٹیکس ہدف مقرر کرن دی تجویز پیش کیتی گئی اے۔ذرائع مطابق وزیراعظم نوں دتی گئی بریفنگ وچ ایف بی آر نے آئندہ مالی سال 15 سو ارب روپے توں وَدھ نویں ٹیکس لان دی تجویز دتی۔ شہباز شریف نے تجویزاں نوںحتمی شکل دین دی ہدایت کردتی۔درآمدی سامان اُتے ٹیکس ڈیوٹیاں ودھان تے فوڈ آئٹماں اُتے سیلز ٹیکس چھوٹ ختم کرکے ودہولڈنگ ٹیکس لان یا کسٹم ڈیوٹیاں دی شرح ودھان دی تجویز وی دتی گئی اے۔بجٹ وچ درآمدی فوڈ آئٹم دی سپلائی اُتے سیلز ٹیکس شرح ودھان تے سولر پینل اُتے سیلز ٹیکس دی تجویزاں وی زیر غورنیں۔ذرائع مطابق نویں مالی سال 2024-25 لئی آئی ایم ایف تحفظات دے باوجود بعض شعبیاں نوں ٹیکس چھوٹ دین دی وی تجویزاں دتیاں گئیاں نیں۔