ملک بھر وچ جون توں بارشاں دا امکان
کراچی(بیورورپورٹ) محکمہ موسمیات نے ملک وچ جون توں اگست تک مون سون بارشاں بارے آٹ لک جاری کردتا۔ایس سال جون توں اگست دے دوران مون سون وچ ملک دے بیشتر جگہاں اُتے معمول توں وَدھ بارشاں دا امکان اے۔ معمول توں وَدھ بارشاں دا امکان وسطی تے شمالی پنجاب وچ ہوئے گا۔محکمہ موسمیات نے جنوبی سندھ وچ وی معمول توںوَدھ بارشاں دی پیش گوئی کیتی اے جدکہ بلوچستان وچ وی معمول توںوَدھ بارشاں متوقع نیں۔ کے پی کے تے گلگت بلتستان وچ معمول دے مطابق بارش ہوئے گی۔محکمہ موسمیات دے مطابق وَدھ درجہ حرارت پاروں بالائی خیبر پختون خواہ، کشمیر تے گلگت بلتستان وچ برف پگھلن دا عمل تیز ہوسکدا اے۔ ملک دے اکثر مقاماں اُتے جون دے شروع وچ دن وچ درجہ حرارت معمول توں وَدھ رہے گا۔
