وزیراعظم دی مواصلاتی سیٹلائٹ زمین دے مدار وچ گھلن اُتے پوری قوم نوں مبارکباد
اسلام آباد(بیورورپورٹ)وزیراعظم محمد شہبازشریف نے پاکستان دے دُوجے مواصلاتی سیٹلائٹ پاک سیٹ ایم ایم ون دے زمین دے مدار وچ گھلے جان اُتے پوری قوم نوں مبارکباد دتی۔وزیراعظم نے آکھیا کہ میرے سنے پوری قوم نوں اپنے سائنسداناں سی ایس شاندار کامیابی اُتے فخر اے، پاکستانی سیٹلائٹ پاک سیٹ ایم ایم ون دے زمین دے مدار وچ گھلے جان نال پوری پاکستانی قوم نے اک عظیم سنگ میل عبور کر لیا اے۔شہبازشریف نے آکھیا کہ پاکستانی سیٹلائٹ دا چین دے سیٹلائٹ سینٹر توں خلا وچ گھلیا جانا پاکستان تے چین دی مضبوط شراکت داری دا مظہر اے، ایسے اقداماں نال پاکستان تے پاکستانی عوام جدت تے ٹیکنالوجی دے ثمرات توںفائدہ حاصل کر سکن گے۔
