سانحہ9مئی:جے آئی ٹی گجرانوالہ نوںصنم جاوید، عالیہ حمزہ توں تفتیش دی اجازت مل گئی
گجرانوالہ(بیورورپورٹ)9مئی نوں گوجرانوالہ کینٹ وچ توڑ پھوڑ دے مقدمہ دی اے ٹی سی عدالت وچ سماعت ہوئی۔جے آئی ٹی نے صنم جاوید تے عالیہ حمزہ توں تفتیش کرن لئی عدالت وچ درخواست دے دتی، درخواست وچ موقف اختیار کیتا گیا صنم جاوید تے عالیہ حمزہ سرگودھا جیل وچ نیں، اک گرفتار ملزم نے صنم جاوید تے عالیہ حمزہ بارے انکشاف کیتا اے کہ درخواست دے متن وچ آکھیا گیا ملزم دے مطابق دونوں 9مئی گجرانوالہ حملے دی سازش وچ ملوث نیں، جے آئی ٹی دی درخواست وچ ایف آئی اے دے اک لیٹر تے سول میڈیا ویڈیو دا حوالہ وی دتا گیا۔درخواست وچ استدعا کیتی گئی کہ دوناں توں سرگودھا جیل وچ تفتیش لئی جے آئی ٹی کو اجازت دتی جائے، عدالت نے دوناں ملزماں توں سرگودھا جیل وچ تفتیش کرن سی اجازت دے دتی۔
