8 فروری نوں ملک وچ وڈھا ڈاکا ماریا گیا، عمران خان دا چیف جسٹس نال مکالمہ

اسلام آباد( بیورپورٹ) چیف جسٹس سپریم کورٹ قاضی فائز عیسی دی سربراہی وچ سپریم کورٹ دے پنچ رکنی بنچ نے نیب ترمیم دے خلاف حکومتی اپیلاں اُتے سماعت کیتی۔ بانی پی ٹی آئی عدالت وچ ویڈیو لنک ذریعے پیش ہوئے۔چیف جسٹس پاکستان نے بانی پی ٹی آئی عمران خان توں پچھیا کہ خان صاحب تُسی خود دلائل دینا چاہن گے یا خواجہ حارث اُتے انحصار کرن گے؟عمران خان نے جواب د تا کہ سر وچ آدھہ گھنٹہ دلائل دینا چاہندا ہاںمینوں تیاری لئی مواد ملدا اے نہ ہی وکیلاں نال ملاقات کرن دتی جا ندی اے،سر میری قنونی ٹیم نال ملاقات کرائی جائے، پتا نہیں فیر مینوں تہاڈے نال گل کرن دا موقع ملے یا نہ ملے،8فروری نوں ملک وچ وڈا ڈاکا ماریا گیا۔چیف جسٹس نے آکھیا کہ ایہ گل اوس ویلے نہ کرن اسیں اوجے نیب ترمیم والا کیس سن رہے ہاں۔عمران خان نے آکھیا کہ ساڈھی 2 درخواستاں جیہڑیاں انسانی حقوق دی خلاف ورزی بارے نیں اوہ تہاڈے کول موجود نیں اوہ سن لین۔چیف جسٹس نے بانی پی ٹی آئی توں پچھیا ایس وچ تہاڈے وکیل کون نیں؟ تے عمران خان نے جواب دتا کہ میرے وکیل حامد خان نیں۔قاضی فائز عیسی نے آکھیا کہ حامد خان اک سینیئر وکیل نیں انہاں ملک توں باہر جانا سی تے اونہاں نوںاک مقدمے وچ اونہاں دی مرضی دی تریخ دتی اے۔بانی پی ٹی آئی نے آکھیا کہ چیف جسٹس صاحب جیل وچ ون ونڈو آپریشن اے جس نوں اک کرنل صاحب چلاندے نیں، تُسی اونہا نوں آرڈر کروکہ میری قنونی ٹیم نال ملاقات کروانے دیو، اوہ میری قنونی ٹیم نال ملاقات کرنے نہیں د یندے۔عدالت نے بانی پی ٹی آئی نوں کیس دا مکمل ریکارڈ اج ہی فراہم کرن دی ہدایت کردتی تے حکم دتاکہ وکیلاں دی اونہاں نال ملاقات کرائی جائے، بانی پی ٹی آئی نال ملاقات لئی ایڈووکیٹ خواجہ حارث دے نال2 وکیل جان۔جسٹس اطہر من اللہ نے آکھیا کہ اُمید اے خواجہ حارث نوں گرفتار نہیں کرلیا جائے گا۔