توہین عدالت کیس: جنہاں نے سوشل میڈیا مہم شروع کیتی اونہاں دا پتہ لان،اسلام آباد ہائیکورٹ

اسلام آباد(بیورورپورٹ)اسلام آباد ہائیکورٹ وچ جسٹس بابر ستار خلاف سوشل میڈیا مہم تے فیملی دا ڈیٹا لیک کرن اُتے توہین عدالت کیس دی سماعت دوران جسٹس محسن اختر کیانی نے ہدایت دتی کہ جنہاں نے سوشل میڈیا مہم شروع کیتی اونہاں دا پتہ لان۔اسلام آباد ہائیکورٹ دے جسٹس محسن اختر کیانی دی سربراہی وچ 3 رکنی لارجر بنچ نے مقدمے دی سماعت کیتی، جسٹس طارق محمود جہانگیری، جسٹس سردار اعجاز اسحاق خان بنچ وچ شامل نیں، ایڈیشنل اٹارنی جنرل منور اقبال دگل عدالت وچ پیش ہوئے۔سماعت دے شروع اُتے جسٹس محسن اختر کیانی نے ہدایت کیتی کہ جنہاں نے سوشل میڈیا مہم شروع کیتی اونہاں دا پتہ لان،جیہڑے اصل لوگ نیں اونہاں دا تعین کرن، اسیں آرڈر کر دیاں گے تُسی اصل ذمہ داراں دا تعین کرو۔بعد وچ کیس دی سماعت 3 ہفتیاں تک ملتوی کر دتی گئی، عدالت نے ریمارکس دتے کہ آئندہ سماعت دی تریخ تحریری حکم نامہ وچ ہوئے گی۔