بجلی دی غیراعلانیہ لوڈشیڈنگ اُتے وفاقی حکومت سنے فریقیاں توں جواب طلب

لہور(پنجابی میڈیا)لہور ہائیکورٹ نے بجلی دی غیر اعلانیہ لوڈشیڈنگ اُتے وفاقی حکومت سنے فریقیاں توں جواب منگ لیا ۔لہور ہائیکورٹ دے جسٹس شاہد کریم نے اظہر صدیق ایڈووکیٹ دی متفرق درخواست اُتے سماعت کیتی۔جسٹس شاہد کریم نے استفسار کیتا کہ دسیا جائے غیر اعلانیہ لوڈشیڈنگ کیوں ہو رہی اے؟ عدالت نے وفاقی حکومت سنے فریقیاں توں جواب منگ لیا۔یاد رہے کہ متفرق درخواست جوڈیشل ایکٹوزم پینل ولوں دائر کیتی گئی اے جس وچ موقف اپنایا گیا کہ ملک وچ غیر اعلانیہ لوڈشیڈنگ بغیر کسی وجہ دے ہو رہی اے، شہریاں دے کاروبار شدید متاثر ہو رہے نیں،درخواست وچ استدعا کیتی گئی کہ عدالت ملک وچ جاری غیر اعلانیہ لوڈ شیڈنگ ختم کرن دا حکم دیوے۔