عمران خان دی6بشری بی بی دی 1مقدمے وچ درخواست ضمانت اُتے دلائل طلب
اسلام آباد(بیورورپورٹ)ڈسٹرکٹ اینڈ سیشن کورٹ اسلام آباد نے سابق وزیر اعظم عمران خان دی6 تے اونہاں دی گھر والی بشری بی بی دی اک مقدمے وچ درخواست ضمانت اُتے11جون نوں دلائل منگ لئے۔ایڈیشنل سیشن جج افضل مجوکا نے ضمانت قبل از گرفتاری دی درخواستاں اُتے سماعت کیتی، عمران خان دے وکیل خالد یوسف چودھری، سردار مصروف ایڈووکیٹ عدالت ساہمنے پیش ہوئے۔وکیل خالد یوسف نے دلائل د تے کہ سینئر وکیل سلمان صفدر ایس کیس وچ اج حتمی دلائل دین گے، عدالت وکیل سلمان صفدر دے آن تک سماعت وچ وقفہ کر دیوے۔بعد وچ عدالت نے عمران خان دے خلاف توڑ پھوڑ احتجاج اُتے درج 6 مقدمے تے بشری بی بی دی توشہ خانہ وچ جعلی رسیداں جمع کران دے مقدمے وچ دائر درخواست ضمانت قبل از گرفتاری دی سماعت وچ وقفہ کردتا۔وقفے دے بعد دوبارہ سماعت شروع ہوئی تے بانی پی ٹی آئی تے بشری بی بی دے وکیل سلمان صفدر عدالت پیش ہوئے۔وکیل سلمان صفدر نے اپنے دلائل وچ آکھیا کہ جدوں ایہ ضمانت دی درخواستاں دائر ہو یاں تے بانی پی ٹی آئی تے بشری بی بی عدالت وچ پیش ہُندے رہے، توشہ خانہ کیس وچ سزا دے بعد عمران خان تے اونہاں دی گھر والی عدالت پیش نہیں ہو سکے، بانی پی ٹی آئی تے بشری بی بی نوں عدالت پیش کرنا انتظامیہ دا کم اے۔سلمان صفدر ایڈووکیٹ دا کہنا سی کہ بانی پی ٹی آئی تے بشری بی بی دی ضمانت دی درخواستاں خارج ہون اُتے اسلام آباد ہائی کورٹ نے دوبارہ درخواستاں میرٹ اُتے سنن دا آکھیا، ملزم دی عدالت وچ منہ وکھائی مشکل بنا دتی گئی، اسیںعدالت توںآکھیا کہ ضمانت قبل از گرفتاری دی درخواستاںنوں وی عدالت جیل جا کے سن لئے۔جج افضل مجوکا نے ریمارکس د تے کہ ملزماں نوں حاضری توں استثنی دے کے وی ضمانت دی درخواستاں اُتے سماعت ہو سکدیاے،دسن کَدوں ضمانت دی درخواستاں اُتے دلائل دینا چا ہندے ہاں؟بعد وچ عدالت نے بانی پی ٹی آئی عمران خان دی6 تے بشری بی بی دی اک مقدمے وچ ضمانت قبل از گرفتاری دی درخواستاں اُتے11جون نوں دلائل منگ کر لئے۔
