پنجاب تے قطر دے وچکار اقتصادی تعلقات دے ودھادااصولی فیصلہ
لہور(پنجابی میڈیا)پنجاب تے قطر دے وچکاراقتصادی تعلقات دے ودھا دا اصولی فیصلہ کیتا گیا اے۔وزیراعلی پنجاب مریم نواز شریف نال قطردے سفیر علی بن مبارک الخاطر نے ملاقات کیتی جس وچ باہمی دلچسپی دے امور اُتے گل بات ہوئی، پنجاب وچ سرمایہ کاری دے ممکنہ موقعے تے لیبر فورس فراہم کرن اُتے وی تبادلہ خیال کیتا گیا۔ملاقات وچ پنجاب تے قطر دے وچکار اقتصادی تعلقات ودھان دا اصولی فیصلہ ہویا، پنجاب وچ انفراسٹرکچر دی ترقی تے ہور شعبیاں وچ تعاون اُتے وی گل بات ہوئی۔ایس موقع اُتے وزیراعلی پنجاب مریم نواز نے قطری سفیر نوں پنجاب حکومت دی بزنس فرینڈلی پالیسیاں توں آگاہ کیتا تے قطر دے بزنس مین تے صنعتکاراںنوں پنجاب وچ سرمایہ کاری دی دعوت دتی۔قطری سفیر نے پاکستان دی ہنر مند افرادی قوت نوں سراہیا تے پنجاب توں سکلڈ لیبر فورس دی بھرتی ودھان وچ دلچسپی ظاہر کیتی۔دوناں رہنماواں نے دوناں پاسیاں دے تعلقات مضبوط بنان تے تعاون دی نویاں راہواں تلاش کرن دی لوڑ اُتے وی زوردتا۔
