دسیا جائے نیب ترمیمی آرڈیننس سپریم کورٹ وچ چیلنج اے یا نہیں؟لہورہائیکورٹ
لہور(پنجابی میڈیا)لہور ہائی کورٹ نے سرکاری وکیل توں نیب ترمیمی آرڈیننس سپریم کورٹ وچ چیلنج ہون یا نہ ہون اُتے تفصیل منگ لئی۔لہور ہائیکورٹ دے جسٹس شجاعت علی خان نے نیب آرڈیننس ذریعے جسمانی ریمانڈ 40 دن کرن دے خلاف شہری منیر احمد دی درخواست اُتے سماعت کیتی۔دوران سماعت سرکاری وکیل نے عدالت نوں دسیا کہ نیب آرڈیننس خلاف درخواست سپریم کورٹ وچ زیر سماعت اے۔درخواست گزار دے وکیل نے دلائل د تے کہ ایہ آرڈیننس بانی پی ٹی آئی عمران خان نوں ٹارگٹ کرن لئی منظور کیتا گیا اے۔عدالت نے سرکاری وکیل نوں ہدایت لے کے پیش ہون دی ہدایت کیتی تے آکھیاکہ دسیا جائے کہ نیب ترمیمی آرڈیننس سپریم کورٹ وچ چیلنج اے یا نہیں۔
