چمن بارڈر بند کرکے قبائلی عوام نوں بغاوت اُتے اُکسایا جارہیا اے، اسد قیصر، محمود خان

اسلام آباد(بیورورپورٹ)پی ٹی آئی رہنما اسد قیصر نے آکھیااے کہ چمن دا بارڈر بند ہون پاروں قبائلی ضلعیاںدی عوام دا لَک ٹُٹ گئیا اے اسیں کَدی اسمگلنگ دی حمایت نہیں کر دے مگر ایتھے روزگار بند کرکے لو کاں نوں بغاوت اُتے اُکسایا جارہیا اے۔ایہ گل سابق اسپیکر قومی اسمبلی اسد قیصر، محمود خان اچکزئی تے علامہ راجہ ناصر عباس نے خیبرپختونخوا ہائوس اسلام آباد وچ پریس کانفرنس کر دیاں ہو یاں آکھی۔اسد قیصر نے آکھیا کہ بجٹ پیش ہون توں پہلاں اسیں قبائلی ضلعیاں دے ایشو دسنا چا ہندے ہاں، قبائلی ضلعیاں نوں ایہ آکھیا گیا سی کہ اونہاںنوں بجٹ وچ3 فیصد دتا جائے گا، قبائلی ضلعیاں دی تعلیم لئی وی بجٹ مختص کرن دا وعدہ کیتا گیا سی مگر قبائل ضلعیاںدے نال کیتے گئے وعدے پورے نہیں ہوئے۔