ساہنوں ماضی نوںبھل کے اگے وَدھنا چا ہیدااے،وزیراعظم

شینزن(نیوزڈیسک)وزیراعظم شہباز شریف نے آکھیا اے کہ ساہنوں ماضی نوں پیچھے چھڈ یاں ہو یاں اگے ودھنا چا ہیدا اے ،اگر اسیں ماضی وچ رہواں گے تے اگے نہیں وَدھ سکاں گے۔وزیراعظم شہباز شریف نے شینزن وچ پاک چائنہ بزنس فورم دی تقریب نال خطاب کر دیاں ہو یاں آکھیا کہ چائنہ دا دورہ کرنا میرے لئی بوہت اہمیت رَکھدا اے، بزنس کانفرنس وچ آئے ساریاں نمائندیاں نوں جی آیاںنوں کہنداہاں ، چین نوں شاندار بزنس کانفرنس کران اُتے مبارکباد پیش کر دا ہاں۔اونہاں نے آکھیا کہ شینزن دی ترقی ساڈھے لئی مشعل راہ اے، دنیانوں چین دی ترقی توںسیکھنا چا ہیدا اے، چین دے شہر شینزن نے مختصر مدت وچ ترقی دیاں منزلاں طے کیتیاں ، پاکستانی کمپنیاں اپنی مصنوعات نوں بہتر انداز وچ دنیا سامنے پیش کرن، پاکستان دے کول ہر قسم دے وسائل نیں، ساڈھی سب توں وڈھی طاقت ساڈھے نوجوان نیں، چین نے ترقی لئی فرسودہ طریقہ کار نوں ختم کر کے جدید طریقے اپنائے۔