ایف آئی اے نے صارم برنی نوں حراست وچ لے لیا،مقدمہ درج

کراچی(بیورورپورٹ)ایف آئی اے دی اینٹی ہیومن اینڈ ٹریفکنگ ٹیم نے سماجی رہنما صارم برنی نوں کراچی ایئرپورٹ توں حراست وچ لے لیا۔ایف آئی اے ذرائع دے مطابق کافی عرصے توں صارم برنی دی نقل و حرکت اُتے نظر رکھی جا رہی سی ، اج صارم برنی جد ہی کراچی ایئرپورٹ پہنچے، ٹیم نے اونہاں نوں گرفتار کرلیا۔ ذرائع دا کہنا اے کہ صارم برنی دے خلاف امریکی حکومت نال انسانی سمگلنگ دی درخواست موصول ہوئی، صارم برنی اُتے امریکا، کینیڈا سنے ہور ملکاں وچ انسانی سمگلنگ سنے غیرقنونی طور بالاں دی ایڈاپٹیشن دا وی مبینہ الزام اے۔ ایس حوالے نال ایڈیشنل ڈی جی ساتھ ایف آئی اے داکہنا اے کہ صارم برنی اُتے مقدمہ درج کرلیا گیا اے، اینٹی ہیومن ٹریفنگ سرکل صارم برنی اُتے تحقیقات کررہیا اے، شواہد دی روشنی وچ تفتیش اگے ودھائی جائے گی، کیس نوں میرٹ اُتے حل کراں گے۔