مہنگائی5مہینے دی گھٹ ترین سطح اُتے آگئی، عالمی ادارے وی تسلیم کررہے نیں،عظمی بخاری

لہور(پنجابی میڈیا)صوبائی وزیر اطلاعات و رہنما مسلم لیگ ن عظمی بخاری نے آکھیا اے کہ پچھلے5 مہینیاں دے دوران ملک وچ مہنگائی 37 توں 11 فیصد اُتے آگئی اے۔اپنے اک بیان وچ صوبائی وزیر عظمی بخاری دا کہنا سی کہ بلوم برگ،ورلڈ بینک تے ایشین ڈویلپمنٹ بینک دی حالیہ رپورٹاں مسلم لیگ ن دی کارکردگی دا منہ بولدا ثبوت نیں ، بلوم برگ نے آکھیا حیران کن طور اُتے پورے ایشیا وچ پاکستان واحد ملک اے جیتھے 5مہیناں وچ مہنگائی گھٹ ترین سطح اُتے آگئی۔اونہاں نے آکھیا کہ ورلڈ بینک تے ایشین ڈویلپمنٹ بینک نے وی حکومت دی معاشی پالیسیاں نوں سراہیا اے، بلوم برگ دے مطابق 9 ورھیاں بعد پہلی وار آٹا،گھیو،سبزیاں تے پٹرول دی قیمت وچ وڈھی کمی ہوئی، ایہ سب اللہ تعالی دی مدد تے میاں نوازشریف دی لیڈرشپ کوالٹی نال ممکن ہویا۔