توہین عدالت کیس وچ مصطفی کمال دی فوری معافی دی استدعا مسترد

اسلام آباد(بیورورپورٹ)سپریم کورٹ نے توہین عدالت کیس وچ ایم کیو ایم رہنما مصطفی کمال دی فوری معافی دی استدعا مستردکردتی۔چیف جسٹس پاکستان قاضی فائز عیسی دی سربراہی وچ جسٹس عرفان سعادت تے جسٹس نعیم افغان اُتے مشتمل 3 رکنی بینچ کیس دی سماعت کیتی،سماعت دوران مصطفی کمال تے فیصل واوڈا عدالت وچ پیش ہوئے۔دوران سماعت مصطفی کمال دے وکیل فروغ نسیم نے مصطفی کمال دی 16 مئی دی پریس کانفرنس اُتے معافی دا بیان پڑھ کے سُنایا تے عدالت توں استدعا کیتی کہ مصطفی کمال دی غیرمشروط معافی قبول کرکے توہین عدالت دی کارروائی ختم کیتی جائے۔اوس اُتے جسٹس قاضی فائز نے استفسار کیتا کہ اوہ اپیلاں وفاقی شرعی عدالت وچ نہیں ہین؟ کیا مصطفی کمال نے فیصل واوڈا توںمتاثر ہو کے دُوجے دن ہی میڈیا اُتے گل کیتی؟چیف جسٹس نے آکھیا کہ ساڈھا پچھلی سماعت دا حکم نامہ کیہ سی؟ وکھائو!کیا ساہنوں لو کاں نے اک دُوجے نال لڑن لئی بٹھایااے؟ اسیں نہیں آکھیا ساڈھے فیصلیاں اُتے تنقید نہ کرن۔بعد وچ عدالت نے مصطفی کمال دی فوری معافی دی استدعا مسترد کر دیاں ہویاں توہین آمیز پریس کانفرنس نشر کرن اُتے ساریاں ٹی وی چیلاںنوں نوٹس جاری کر دیاں ہویاں ٹی وی چینلاں توں2ہفتیاں وچ جواب منگدیاں ہویاں سماعت28جون تک ملتوی کردتی۔