پاکستان ریلوے داوڈھی عید اُتے3 سپیشل ٹریناں چلان دا فیصلہ

لہور(پنجابی میڈیا)پاکستان ریلوے نے وڈھی عید اُتے3سپیشل ٹریناں چلان دا فیصلہ کر لیا۔وڈھی عید اُتے کراچی توں2جدکہ 1عید سپیشل ٹرین کوئٹہ توںچلائی جائے گی، پہلی عید سپیشل ٹرین 14جون نوں ساڑھے 6 وجے کراچی توں پشور لئی روانہ ہوئے گی تے ٹرین وچ1164مسافر سفر کرن گے۔دُوجی عید سپیشل ٹرین15 جون نوں رات ساڑھے9 وجے کراچی توں لہورلئی روانہ ہوئے گی، ایس ٹرین وچ1 ہزار 64 مسافر سفر کرن گے۔پہلی سپیشل ٹرین وچ ساریاں کوچاں اکانومی کلاس ہون گیاں تے دُوجی سپیشل ٹرین وچ2 بزنس، 2 سٹینڈرڈ کلاس دے نال ساریاں اکانومی کلاس کوچاں لایاں جان گیاں۔