وزیراعظم دے ویژن مطابق سی پیک وچ اک نواں دور شروع ہو رہیااے،وزیراطلاعات

شینزین(نیوزڈیسک)وفاقی وزیر اطلاعات عطاء اللہ تارڑ نے آکھیا اے کہ وزیراعظم دے ویژن مطابق سی پیک وچ اک نوا دور شروع ہو رہیا اے،شینزین وچ بزنس ٹو بزنس ملاقاتاں تے کانفرنساں پاکستان دی معیشت دے استحکام تے ترقی وچ اپنا بھرپور کردار ادا کرن گیاں۔ میڈیا نال گل بات کر دیاں ہویاں وزیر اطلاعات نے آکھیاکہ وزیراعظم شہباز شریف سی پیک دے اندر اک نویں جدت لے کے آئے نیں۔ وفاقی وزیر نے آکھیاکہ وزیراعظم دے ویژن تحت سی پیک وچ اک نواں دورشروع ہو رہیا اے۔ اونہاںنے آکھیاکہ شینزن وچ بزنس ٹو بزنس کانفرنس وچ500 توں وَدھ پاکستانی تے شینزین دی کاروباری شخصیتاں نے رَلت کیتی۔