اسیںپہلاں100دناں وچ نوجواناں نوں پٹرول بم نہیں لیپ ٹاپ دتے،مریم اورنگزیب

لہور(پنجابی میڈیا)پنجاب دی سینئر صوبائی وزیر و رہنما مسلم لیگ ن مریم اورنگزیب نے آکھیا اے کہ ساڈھی حکومت نے اپنے پہلاں100 دناں وچ نوجواناں دے ہتھاں وچ پٹرول بم نہیں لیپ ٹاپ د تے۔اپنے اک بیان وچ لیگی رہنما مریم اورنگزیب دا کہنا سی کہ ن لیگ دی حکومت دے پہلے 100 دن دی مدت دا ہر دن ہر شعبہ ترقی وَل گامزن ہویا تے مہنگائی گھٹ ہورہی اے۔اونہاں نے آکھیا کہ آٹا، روٹی تے گھیو دی قیمت وی گھٹ چُکی اے، کساناںنوں جدید مشینری دی رعایتی قیمت اُتے فراہمی شروع کیتی جاچکی اے۔مریم اورنگزیب دا کہنا سی کہ مسلم لیگ (ن)نے وفاق تے پنجاب وچ 100 دناں دے دوران اک وار فیر عوام نوں نویں امید تے ملک نوں درست پاسے دتی اے،100 دناں وچ پاکستان ایشیا دا اوہ واحد ملک بن چکیا اے جس وچ مہنگائی سب توں تیزی نال گھٹ ہورہی اے۔رہنما ن لیگ نے آکھیا کہ ساڈھی حکومت دی ایس مختصر مدت وچ دوائی مفت تے علاج گھر دے بوہے اُتے پہنچن دا سلسلہ شروع ہوچکیا اے، پاکستان تے پنجاب دا پہلا سولڈ ویسٹ مینجمنٹ دا پروگرام شروع کردتا گیا اے۔