سٹیٹ بینک دا شرح سود 1.5فیصد گھٹ کرن اعلان

کراچی(بیورورپورٹ)سٹیٹ بینک آف پاکستان نے مانیٹری پالیسی دااعلان کرد تا،جس دے مطابق شرح سود وچ 1.5فیصد کمی دا فیصلہ کیتا گیا اے۔سٹیٹ بینک آف پاکستان ولوں جاری مانیٹری پالیسی بیان مطابق شرح سود وچ1.5 فیصد گھٹ کیتی گئی جس دے بعد شرح سود22فیصد توں گھٹ ہو کے 20.5فیصد ہوگئی اے۔مانیٹری پالیسی بیان وچ آکھیا گیا کہ شرح سود وچ150بیسس پوائنٹ گھٹ کیتی گئی اے، مئی وچ افراط زر11.8فیصد رہی جدکہ سخت زری پالیسی تے غذائی شیواں دی قیمت گھٹن نال مہنگائی تیزی نال گھٹ ہوئی، مئی دے مہینے داآٹ ٹرن توقع توں وَدھ بہتر رہیا۔بیان وچ ہورآکھیا گیا کہ بجٹ اقدام، بجلی تے گیس دے ریٹ وچ تبدیلی نال مہنگائی دے منظر نامے نوں خطرہ اے، ایس طرح، جولائی 2024 وچ مہنگائی دی موجودہ سطح وچ نمایاں ودھا دا خطرہ اے جدکہ مہنگائی مالی سال2025 دے دوران بتدریج ہُندی جائے گی۔واضح رہے کہ شرح سود 25 جون 2023 توں 22 فیصد اُتے برقرار سی۔