سکیورٹی فورسز اُتے مسلسل حملیاں دی شدید مذمت کردے ہاں،اسدقیصر

اسلام آباد(بیورورپورٹ)پی ٹی آئی دے سینئر رہنما تے سابق سپیکر قومی اسمبلی اسد قیصر نے آکھیا کہ افسوس اے کل لکی مروت وچ فوجی قافلے اُتے حملہ ہویا ساڈھے جوان شہید ہوئے نیں، اسیں شہداء لئی دعا کردے ہاں۔اسد قیصر تے ہور پی ٹی آئی ارکاناں نے پارلیمنٹ ہائوس وچ پریس کانفرنس کر دیاں ہویاں آکھیا کہ پلس تے سکیورٹی فورس اُتے مسلسل حملے ہو رہے نیں، جنہاں دی بھرپور لفظاں وچ مذمت کر دے ہاں، خیبرپختونخوا دے91پراجیکٹ وفاقی حکومت نے کَڈ دتے نیں۔اونہاں نے آکھیا کہ سمال ڈیماں سنے کالجاں، یونیورسٹیاں سنے ہوراں پراجیکٹاں نوں بجٹ توں کَڈ دتا گیا اے، اسیں اج احتجاجاََ آئے ہاں، ساڈھا مطالبہ اے کہ جیہڑیاں سکیماں کَڈیاں گئیاں نیں اونہاں نوں شامل کیتا جائے۔سابق سپیکر نے آکھیا کہ صوبے دی ترقی لئی ایہ بوہت ضروری اے،ساڈھا مطالبہ اے کہ جیہڑے91منصوبے کڈے گئے نیں اونہاںنوں دوبارہ شامل کیتا جائے، جیہڑے 3 فیصد دین دا وعدہ کیتا سی اوہ وی مکمل کیتے جان، تحریک انصاف توں منڈیٹ ملن دا انتقام لیا جا رہیا اے۔