8وَرھے لَنگ گئے فاٹا وچ سالانہ100ارب لان داوعدہ اجے تک پورا نہیں ہویا،فضل الرحمان

اسلام آباد(بیورورپورٹ)جمعیت علمائے اسلام دے سربراہ مولانا فضل الرحمن نال قبائلی مشاورتی جرگے نے ملاقات کیتی تے اپرجنوبی وزیرستان وچ مختلف آپریشن دے نقصان دا معاوضہ نہ ملن اُتے گل بات کیتی۔رہنما جرگہ جاوید محسود نے دسیا کہ 80 ہزار خانداناں دا سروے ہوچکیا جنہاںنوں ٹوکن دتا گیا،48ہزار خانداناں نوں نقصان دا معاوضہ دتا گیا بقیہ اجے تک محروم نیں، ایہ انتہائی غریب لوگ نیں،2017 وچ ٹوکن دتا اے لیکن اجے تک نقصان دا معاوضہ نہیں دتا۔جمعیت علمائے اسلام دے سربراہ مولانا فضل الرحمن نے آکھیا کہ اَت گردی ایسطرح ختم نہیں ہوسکدی، اَت گردی پاروں لوگ مختلف شہراں وچ آباد ہوگئے، حالت ایہ اے کہ اپر جنوبی وزیرستان دے علاقے وچ اک جلسے دے موقع اُتے مینوں اک اسکول وچ بٹھایا گیا کیونکہ اوتھے سارے گھر تباہ ہوگئے سن۔