آئی ایم ایف نال مذاکرات جاری،کوشش اے گھٹ آمدن طبقے نوں مہنگائی توں بچائیے،وزیرمملکت

اسلام آباد(بیورورپورٹ) وزیر مملکت برائے خزانہ علی پرویز ملک دا کہنا اے کہ عالمی مالیاتی فنڈ (آئی ایم ایف) نال مذاکرات مثبت انداز وچ جاری نیں،کوشش اے کہ گھٹ آمدنی والے طبقے نوں مہنگائی توں بچائیے۔وزیر مملکت علی پرویزملک نے آکھیا کہ انکم ٹیکس دے معاملے اُتے آئی ایم ایف نوں اپنا نقطہ نظر سمجھایا اے۔اونہاں نے آکھیا کہ وزیر اعظم شہباز شریف نے ہدایت کیتی اے کہ گھٹ آمدنی والے طبقے نوں ہرحال وچ ریلیف دتا جائے، پوری کوشش اے کہ گھٹ آمدنی والے طبقے نوں مہنگائی توں بچایا جائے۔وزیرمملکت برائے خزانہ علی پرویز ملک دا ہور کہنا سی کہ ٹیکس استثنی دے معاملے اُتے وی آئی ایم ایف نوں تجاویز دتی اے، آئی ایم ایف دے نال گل بات جاری رہے گی۔