ایم کیو ایم نے بجٹ لئی اپنے مطالبات وزیراعظم سامنے رکھ دتے

لہور(پنجابی میڈیا)متحدہ قومی موومنٹ (ایم کیو ایم)پاکستان نے نویں مالی سال دے بجٹ وچ اپنے مطالبات وزیراعظم شہباز شریف سامنے رکھ د تے۔ذرائع مطابق ایم کیو ایم پاکستان نے وزیراعظم توں بجٹ وچ کراچی لئی 5سالہ سماجی و اقتصادی ترقیاتی منصوبہ (سوشیو اکنامک ڈیولپمنٹ پلان)دین دا مطالبہ کیتا اے۔ذرائع دا کہنا اے کہ ایم کیو ایم نے مطالبہ کیتا اے کہ ساڈھے کول صوبائی حکومت نہیں اے ایس لئی وفاق ساڈھے ایم این ایز نوں فنڈز جاری کرے تے ایس حوالے نال ایم کیو ایم نے کراچی، حیدرآباد تے میرپورخاص لئی وفاق توں38 ارب روپے دے فنڈزمنگ لئے نیں۔