آزادی مارچ کیس:عمران خان، شاہ محمود تے شیخ رشید مقدمے توںبری

اسلام آباد(بیورورپورٹ)ڈسٹرکٹ اینڈ سیشن کورٹس اسلام آباد نے آزادی مارچ توڑ پھوڑ بارے مقدمے وچ بانی پی ٹی آئی عمران خان، شاہ محمود قریشی، شیخ رشیدتے ہوراں نوںبری کردتا۔جوڈیشل مجسٹریٹ ملک عمران نے آزادی مارچ توڑ پھوڑ تے ہنگامہ آرائی بارے تھانہ آئی نائن وچ درج مقدمے دا محفوظ فیصلہ سنادتا۔عدالت نے محفوظ فیصلہ سنا ندیاںہویاں بانی پی ٹی آئی عمران خان، شیخ رشید، شاہ محمود قریشی نوں مقدمے توں بری کردتا، صداقت عباسی، علی نواز اعوان سنے ہور ملزم وی بری ہون والیاں وچ شامل نیں۔یاد رہے کہ پی ٹی آئی قیادت اُتے دفعہ144 دی خلاف ورزی، توڑ پھوڑ دی دفعاں تحت 2022 وچ مقدمہ درج کیتا گیا سی۔بانی پی ٹی آئی عمران خان تے ہوراں ولوں سردار محمد مصروف خان ایڈووکیٹ ،علی بخاری ایڈووکیٹ، آمنہ علی تے ہوراں نے دلائل دتے سن۔