حکومت وچ بیٹھے لوگ من پسند جج دے کول کیس لگوانا چا ہندے نیں،لہورہائیکورٹ

لہور(پنجابی میڈیا)لہور ہائی کورٹ نے وڈھا فیصلہ سنا ندیاں ہو یاں بانی پی ٹی آئی عمران خان تے شاہ محمود قریشی دے کیس دی دُوجی عدالت منتقلی لئی حکومتی درخواستاں خارج کر دتیاں۔چیف جسٹس لہور ہائیکورٹ ملک شہزاد احمد خان نے بانی پی ٹی آئی عمران خان، شاہ محمود قریشی سنے ہور ملزماںدی9 مئی کیس راولپنڈی دی عدالت توں دُوجی عدالت وچ منتقل کرن لئی حکومتی درخواست اُتے سماعت کیتی۔’’ججاں اُتے دبا پاناافسوسناک اے‘‘دوران سماعت چیف جسٹس ملک شہزاد احمد خان نے ریمارکس د یندیاں ہویاںآکھیا اے کہ ججاں اُتے دبا پان دی کوشش کر رہے نیں ایہ افسوسناک اے، ملک نوں مذاق بنادتا گیا، جیہڑاجج پسند نہ آئے اوس دے خلاف تقریراں شروع کردیندے ایہ نوا ٹرینڈ شروع ہوگیا اے۔اونہاں نے آکھیا کہ دسن کیا جج دی مخالف پارٹی نال رشتہ داری اے یا اوس نے پیسے پھڑے نیں؟جیل وچ کیہڑاخطرہ اے؟کیا جج آسمان اُتے بیٹھ کے سماعت کرن؟ ایہ کیتھے لکھیا اے جج دے خلاف ریفرنس آئے گا تے اوہ کام بند کر دیوے گا؟’’حکومت نوں لہور، اسلام آباد ہائیکورٹ دے ججاں اُتے اعتبار نہیں‘‘چیف جسٹس لہور ہائی کورٹ نے ریمارکس د تے کہ حکومت وچ بیٹھے ہوئے لوگ من پسند جج دے کول کیس لگوانا چا ہندے نیں حکومت نوں نہ لہور ہائیکورٹ تے نہ اسلام آباد ہائیکورٹ دے ججاں اُتے اعتبار اے۔