عمران ریاض اُتے امانت وچ خیانت دا مقدمہ ختم، پلس نے اک ہور مقدمے وچ گرفتارکرلیا
لہور(پنجابی میڈیا)جوڈیشل کورٹ نے صحافی و اینکر عمران ریاض نوں امانت وچ خیانت دے مقدمے توں ڈسچارج کردتا۔صحافی عمران ریاض دے خلاف امانت وچ خیانت دے مقدمے دی سماعت ہوئی۔ تھانہ نشتر کالونی پلس نے صحافی عمران ریاض نوں اک روزہ جسمانی ریمانڈ مکمل ہون اُتے عدالت وچ پیش کیتا۔ عمران ریاض ولوں وکیل علی اشفاق تے اظہر صدیق نے دلائل د تے ،عدالت نے عمران ریاض اُتے درج مقدمہ خارج کر دیاں ہویاں اونہاںنوں رہا کرن دا حکم دے دتا لیکن پلس نے صحافی عمران ریاض دی اک ہور مقدمے وچ گرفتاری پا دتی۔پلس نے عمران ریاض اُتے تھانہ سرور روڈ اُتے کار سرکار وچ مداخلت دا مقدمہ درج کررکھیا اے۔
