پنجاب حکومت نے تریخی عوام دوست بجٹ پیش کیتا،مریم اورنگزیب

لہور(پنجابی میڈیا)سینئر صوبائی وزیر مریم اورنگزیب نے آکھیا اے کہ پنجاب حکومت نے کل تریخی عوام دوست تے ٹیکس فری بجٹ پیش کیتا۔لہور وچ پوسٹ بجٹ پریس کانفرنس کر دیاں ہویاں مریم اورنگزیب دا کہنا سی کہ ایہ بجٹ کیش بیک بجٹ اے، ایہ پچھلے دور ونگوں نہیں اے، وزیراعظم نے 12 تریخ نوں وفاق وچ بجٹ پیش کیتا، کل وزیراعلی مریم نواز نے پنجاب دا ٹیکس فری بجٹ پیش کیتا۔اونہاں نے دسیا کہ بجٹ دی صورت وچ اک پالیسی اسٹیٹمنٹ دتی گئی،مشکل فیصلے لے کے عوام تے معیشت نوں مضبوط کرن اے، وزیراعلی مریم نواز دن رات محنت کر کے معیشت درست کر رہیاں نیں،اسیں ایسا کوئی کم نہیں کیتاکہ پچھلی حکومتاں دی تختیاں اتار کے اپنی لایاں جان۔لیگی رہنما داکہنا سی کہ ڈیڈ سکیم بوہت سالاں سے چلد آ رہی سی، بجٹ وچ صحت و تعلیم نوں ترجیح دتی گئی اے، کلینک آن وہیلز توں 6لکھ توں وَدھ لوکاں فائدہ چُکیا، فیلڈ ہسپتالاں توں وی ہزاروں لوکاں نے فائدہ چُکیا اے، بیسک ہیلتھ یونٹس تے صحت دیاں ہور سہولتاں مکمل کرنا وی ایس بجٹ وچ شامل نیں۔