عمران خان نوںتوڑن لئی جیل وچ ہر حربہ استعمال کیتا جا رہیا اے،بیرسٹر سیف

پشور(بیورورپورٹ)مشیر اطلاعات خیبر پختونخوا بیرسٹر ڈاکٹر سیف نے آکھیا اے کہ بانی پی ٹی آئی عمران خان نوں توڑن لئی جیل وچ ہر حربہ استعمال کیتا جا رہیااے۔اپنے اک بیان وچ بیرسٹر سیف دا کہنا سی کہ مریم نواز اک سابق وزیراعظم نوں ڈیتھ سیل وچ رکھیا اے، بانی پی ٹی آئی عمران خان نوں صرف اک کولر فراہم کیتا گیا اوس دا وی شورکیتا جا رہیا اے۔اونہاں نے آکھیا کہ ملاقات وچ رکاوٹ پائی جا رہی اے، بغیر کسی نوٹس دے ملاقات منسوخ کیتی جا رہی اے۔بیرسٹر سیف دا کہنا سی کہ ملاقات دے شیڈول وچ غیر ضروری ردوبدل کیتا جا رہیا اے، نواز شریف نال دن وچ40،40بندے ملاقات کر دے سن، نواز شریف لئی گھروں کھانے دا بندوبست کیتا جاندا سی فیر وی پلیٹ لیٹس دا بہانہ بنا کے لندن نَس گئے۔