پہلے مرحلے وچ5ہزارصحافیاں دی ہیلتھ انشورنس نوں یقینی بناواں گے،عطا تارڑ

اسلام آباد(بیورورپورٹ)وفاقی وزیراطلاعات عطا تارڑ دا کہنا اے کہ پہلے مرحلے وچ5ہزارصحافیاں دی ہیلتھ انشورنس نوںیقینی بنایا جائے گا۔وفاقی وزیر اطلاعات عطا تارڑ نے پریس کلب وچ تقریب نال خطاب کر دیاں ہو یاں آکھیا کہ حکومت صحافیاں دی فلاح وبہبود لئی کوشاں اے، اسیں مل کے ملک دی خدمت کرنی اے، حکومت آزادی اظہاررائے اُتے یقین رکھدی اے، ڈس انفارمیشن دے سلسلے نوںاسیں مل کے روکنا اے۔اونہاں نے آکھیا کہ فیک نیوزنوںختم کر لئی ساریاں نوںاپنا کردارادا کرنا ہوئے گا، صحافیاں دی تجویزنوںساہمنے رکھیا جائے گا،چھیتی صحافیاں نال لمبی نشست ہوئے گی، صحافیاوں لئی میرے دروازے ہرویلے کھلے نیں، سیاست وچ ویسے وی کھڑکیاں،دروازے کھلے رکھنے چا ہیدے نیں۔عطا تارڑ دا ہور کہنا سی کہ اسیں گھٹ توں گھٹ اُجرت 37ہزاریقینی بناواں گے، اسیںایسی اننگزکھیڈنی اے کہ سکوربورڈ اُتے ساڈھا ناں یاد رکھیا جائے، صحافیاں دے مسائل حل کرن لئی وی کردار ادا کراں گے ، ساڈھی حکومت نے صحافیاں لئی پہلاں توں وی وَدھ فنڈز رکھے نیں۔