پنجاب حکومت عورتاںنوں بااختیار بنان لئی پرعزم اے،مریم نواز

لہور( پنجابی میڈیا)وزیراعلی مریم نواز نے آکھیا اے کہ پنجاب حکومت عورتاںنوں بااختیار بنان تے صنفی مساوات ودھان لئی پُرعزم اے۔عالمی یوم خواتین برائے سفارتکاری دے موقع اُتے اپنے اک پیغام وچ مریم نواز دا کہنا سی کہ اج دا دن دنیا بھر دیاں عورت سفارتکاراں دی غیر معمولی خدمتاں دے اعتراف لئی منایا جاندا اے، ایہ دن ساہنوں سفارتی میدان وچ صنفی مساوات لئی کیتے گئے اقداماں دی یاد دلاندااے۔اونہاں نے آکھیا کہ سفارتکاری وچ عورتاں دا کردار امن ودھان لئی اہم ہُندا اے، عورتاں دی قیادت تے نقطہ نظر سفارتی کوششاں وچ ہمدردی تے استقامت دی اک منفرد تے ضروری جہت لیاندا اے۔مریم نواز دا کہنا سی کہ عورتاں نوں ساریاں شعبیاں وچ اگے ودھن دے یکساں موقعے میسر نیں، پنجاب حکومت عورتاںنوں بااختیار بنان تے صنفی مساوات ودھان لئی پرعزم اے۔