آپریشن عزمِ استحکام دا دائرہ صرف اک صوبہ نہیں، پورا پاکستان ہوئے گا،سعدرفیق

لہور(پنجابی میڈیا) لیگی رہنما تے سابق وفاقی وزیر خواجہ سعد رفیق نے آکھیا اے کہ آپریشن عزمِ استحکام دا دائرہ صرف اک صوبہ نہیں بلکہ پورا پاکستان ہوئے گا۔سماجی رابطے دے پلیٹ فارم ایکس(سابقہ ٹوئٹر) اُتے اپنے بیان وچ اونہاں نے آکھیا کہ پاکستان دے سکیورٹی اداریاں، ریاستی تنصیبات ،عبادت گاہواں تے بے گناہ لوکاں اُتے حملے کرن تے بم مارن والے اَت گرد کسی رعایت دے مستحق نہیں۔ اونہاںنوں ختم کرن تک اونہاں دے خلاف آپریشن بلا تعطل و تسلسل دے نال جاری رہنا چا ہیدا اے۔اونہاں نے آکھیا کہ بدقسمتی نال پی ٹی آئی حکومت وچ اَت گرداں نال مذاکرات تے اونہاں نوں ڈھیل دین دی باجوہ ڈاکٹرائن نے بیک فائر کیتا تے اونہاںنوں دوبارہ قدم جمان دا موقع ملیا جَد کہ افغانستان دی امارت اسلامیہ ایس مسئلے نوں حل کرن دی بجائے خموش تماشائی بنی ہوئی اے۔