آپریشن عزم استحکام ملک نوں ہور کمزور کرے گا، فضل الرحمان

کوئٹہ( بیورورپورٹ)جمعیت علمائے اسلام نے وی آپریشن عزم استحکام دی مخالفت کردتی، پارٹی سربراہ مولانا فضل الرحمان نے آکھیا کہ آپریشن عزم استحکام درحقیقت آپریشن عدم استحکام ثابت ہوئے گا، آپریشن دا فیصلہ کوئی ہور کرے گا تے ذمہ داری سیاسی جماعتاں چُکن گیاں۔نیوز کانفرنس کر دیاں ہویاں جمعیت علمائے اسلام دے سربراہ مولانا فضل الرحمان نے آکھیا کہ اسٹیبلشمنٹ نوں ہر شعبے وچ اپنی بالادستی ختم کرنا ہوئے گئی، ایس ویلے ملک وچ ریاست دی رٹ نہ ہون دے برابر اے، مسلح تنظیماں کھلے عام گُھم رہیاں نیں۔اونہاں نے آکھیا کہ اج بلوچستان دی سیاسی جماعتاں دے قائدین، رفقا تشریف لیائے سن، ایہ ساڈھی اک مشاورتی مجلس سی، الیکشن دے بعد دی صورتحال اُتے اک دُوجے نوں سُننا مقصد سی، ایہ اوہی پرانی 1970 والے دور دی نیک جمعیت اے، تریخ خودنوں دہرا ندی اے۔مولانا فضل الرحمان نے آکھیا کہ اسیں پارلیمنٹ وچ وی اپنا موقف دے چکے ہاں تے باہر وی، اسیں عوامی رابطے دا اک سفر شروع کیتا سی، عوام نے ساہنوں جیہڑی پذیرائی بخشی اوہ ناقابل فراموش اے۔