مذاکرات وچ پہلی گل مینڈیٹ چوری، فارم45 دی ہوئے گی،علی امین گنڈاپور

راولپنڈی( بیورورپورٹ)وزیراعلی خیبرپختونخوا علی امین گنڈاپور نے آکھیا کہ مذاکرات لئی تیار لیکن پہلی گل مینڈیٹ چوری، فارم45 دی ہوئے گی، سابق کمشنر راولپنڈی لیاقت چٹھہ نوں پاگل قرار دے کے جان نہیں چھوٹ سکدی۔میڈیا نال گل بات کر دیاں ہویاں وزیر اعلی خیبرپختونخوا علی امین گنڈا پور نے آکھیا کہ بانی پی ٹی آئی نال پالیسی اُتے گل بات ہوئی اے، ایپکس کمیٹی دی میٹنگ وچ اک پالیسی دَسی گئی، پالیسی سی کہ امن و امان دا قیام، اَت گردی ختم، میٹنگ وچ عزم پاکستان دا ناں آیا۔اونہاں نے آکھیا کہ آپریشن دا لفظ نہ پہلاں سی نہ بعد وچ، بانی پی ٹی آئی دی حکومت وچ اَت گردی وچ کمی آئی، اسیں سی ٹی ڈی نوں بہتر کیتا، ساڈھی پالیسی اے عوام نوں پہلاں اعتماد وچ لیا جائے، اَت گردی دا مقابلہ عوام دے بغیر نہیں کر سکدے، صوبیاں تے پارلیمان نوں اعتماد وچ لیتیوں بغیر فیصلہ نہیں کر سکدے۔