ایل پی جی 50روپے فی کلو وَدھ گئی

لہور( پنجابی میڈیا) ایل پی جی دی قیمت 50 روپے فی کلو ودھا دتی گئی۔چیئرمین ایل پی جی ڈسٹری بیوٹرز ایسوسی ایشن عرفان کھوکھر مطابق ایل پی جی مارکیٹنگ کمپنیاں تے پلانٹ مافیا نے سرکاری قیمت دی بجائے اپنی من مانی قیمت اُتے ایل پی جی ویچنی شروع کر دتی اے تے قیمت 50 روپے فی کلو گرام ودھ کر دتی گئی اے۔اونہاں نے آکھیا کہ ایل پی جی مارکیٹنگ کمپنیاں دی بلیک مار کیٹنگ دھڑلے نال جاری اے تے ملک بھر وچ سرکاری قیمت اُتے کسی وی جگہ ایل پی جی دستیاب نہیں اے۔ اوگرا نے 234 روپے 60 پیسے قیمت مقرر کیتی سی ، جَد کہ مارکیٹ وچ گیس 280 روپے توں 285 روپے فی کلو اُتے فرخت ہو رہی اے۔ایل پی جی دی قیمت ودھن دے بعد گھریلو سلنڈر 600 روپے تے کمرشل سلنڈر 2250 روپے تک مہنگا ہوگیا اے۔ گھریلو سلنڈر دی سرکاری قیمت 2770 دی جگہ3370 روپے وچ فروخت جاری اے۔