عزم استحکام آپریشن بارے غلط فہمیاں پھیلائیاں جا رہیاں نیں،وزیراعظم

اسلام آباد(بیورورپورٹ)وزیراعظم شہبازشریف نے آکھیا اے کہ عزم استحکام آپریشن بارے غلط فہمیاں پھیلائیاں جا رہیاں نیں ایس آپریشن نال آبادیاں دی نقل مکانی نہیں ہوئے گی تے ایہ مخصوص علاقے وچ نہیں ہوئے گا۔وزیراعظم شہباز شریف دی زیر صدارت کابینہ اجلاس منعقد ہویا جس وچ اجلاس نوں عزم استحکام آپریشن بارے تفصیلی بریفنگ دتی گئی۔اجلاس وچ خطاب کر دیاں ہویاں وزیراعظم نے آکھیاکہ عام آدمی دی قابلِ تجدید شمسی توانائی تک رسائی یقینی بنان لئی سولر پینلز اُتے کسی قسم دی نویں ڈیوٹی نہیں لائی جائے گی، گھٹ لاگت قابل تجدید شمسی توانائی ہر شہری تک پہنچاواں گے، معیشت نوں مثبت پاسے گامزن کرن لئی بھرپور منصوبہ بندی کررہے ہاں۔وزیراعظم نے آکھیاکہ اللہ دے فضل و کرم نال ملک معاشی استحکام وَل تیزی نال وَدھ رہیااے،چھوٹے تے درمیانے پیمانے دی صنعت نوں ترقی دے کے ملکی برآمدات وچ ودھا کراں گے، اشرافیہ تے ملکی وسائل دا استحصال کرن والیاں دی مراعات نوں ختم کیتا جائے گا، عام آدمی دے معاشی تحفظ تے اوس نوں یکساں ترقی دے مواقع فراہم کرنا حکومت دی اولین ترجیح اے۔