آئین مقدس اے اوس اُتے عمل کرنا آپشن نہیں لازمی اے،چیف جسٹس

اسلام آباد:چیف جسٹس آف پاکستان قاضی فائز عیسی نے کیس دی سماعت دوران ریمارکس د تے کہ آئین مقدس اے، اوس اُتے عمل کرنا آپشن نہیں لازمی اے۔سنی اتحاد کونسل دی مخصوص نشستاں بارے کیس دی سماعت دوران چیف جسٹس سپریم کورٹ جسٹس قاضی فائز عیسی نے ریمارکس د تے کہ تُسی وی ڈکٹیٹر دے اٹارنی جنرل رہ چکے او۔ میں اوس ویلے وکالت چھڈ دتی سی۔ چیف جسٹس نے کسی دا ناں لیتیوں بغیر آکھیا کہ کوئی ڈکٹیٹر آئے تے سب وزیر تے اٹارنی جنرل بن جاندے نیں۔ جمہوریت آ ندی اے تے سب لوگ چھریاں کَڈ لیندے نیں۔چیف جسٹس نے آکھیا کہ آئین وچ دتا گیا اصول واضح اے کہ آئین مقدس اے اوس اُتے عمل کرنا لازمی اے آپشن نہیں۔ تریخ دی گل کرنی اے تے پوری طرح نال کرن۔جسٹس اطہر من اللہ نے ریمارکس د تے کہ اج وی آئین اُتے عملدرآمد نہیں ہو رہیا۔ ساہنوں حقیقت دا سامنا کرن دی بجائے اپنا سر ریت وچ نہیں دبانا چا ہیدا۔ سب ایہ تاثر دین دی کوشش کر رہے نیں جس نوں اسیں ماضی دی بات کر رہے ہاں۔چیف جسٹس نے آکھیا کہ ساہنوں ماضی دی غلطیاں تسلیم کرنا چاہیدیاں۔جسٹس اطہر من اللہ نے آکھیا کہ 1 دن ساہنوںکہہ دینا چا ہیدا کہ بوہت ہوچکیا۔ آئین دی خلاف ورزی اُتے اکھاں بند نہیں کر سکدے۔