میثاقِ معیشت دے بغیر مسائل دا حل ممکن نہیں:بلاول بھٹو

اسلام آباد( بیورورپورٹ)چیئرمین پاکستان پیپلزپارٹی بلاول بھٹو زرداری نے آکھیا اے کہ میثاقِ معیشت دے بغیر مسائل دا حل ممکن نہیں اے۔قومی اسمبلی اجلاس وچ بجٹ اُتے اظہارِ خیال کر دیاں ہو یاں چیئرمین پاکستان پیپلزپارٹی بلاول بھٹو زرداری دا کہنا سی کہ عوام نوں روٹی کپڑا مکان، غربت تے مہنگائی گھٹن وچ دلچسپی اے، عوام امید رکھدے ہاں کہ اسیں ذاتی مسلئے سائیڈ اُتے رکھاں گے۔اونہاں نے آکھیا کہ وزیراعظم شہباز شریف نے میثاقِ معیشت دی گل کیتی، میثاقِ معیشت دے بغیر مسائل حل نہیں ہو سکدے، اگر نیشنل اکنامک چارٹر بنانا اے تے سب توں مشورہ کرنا ہوئے گا، ایتھے بیٹھے دوناں پاسیاں دے لوکاں نال وی گل کرنی ہوئے گی، سیاسی مشاورت نال جیہڑا حل نکلدا اے اوہ زیادہ بہتر ہُندا اے۔بلاول بھٹو زرداری دا کہنا سی کہ ساڈھے نال اپوزیشن نوں وی دعوت دتی جانی چاہیدی سی، اسیں مشاورت کر دے تے ساڈھی سیاسی طور اُتے وی جت ہندی تے معاشی طور اُتے وی بہتر فیصلے لیندے، پاکستان دے معاشی حالات کسی توں ڈھکے چھپے نہیں۔چیئرمین پاکستان پیپلزپارٹی نے آکھیا کہ دعا اے وزیراعظم دی ٹیم تے اسیں مل کے ملک نوں ایس حالات توں کڈیئے۔