ذوالفقار علی بھٹو معصوم سن، اونہاں نوںغیر آئینی عدالت نے سزا دتی،سپریم کورٹ

اسلام آباد(بیورورپورٹ)سپریم کورٹ آف پاکستان دے چیف جسٹس قاضی فائز عیسی نے ذوالفقار علی بھٹو ریفرنس اُتے48 صفحیاں اُتے مشتمل تفصیلی رائے جاری کردتی۔چیف جسٹس ولوں48صفحیاں اُتے مشتمل جاری کیتی جان والی رائے وچ لکھیا گیا اے کہ ریفرنس بارے جسٹس سردار طارق مسعود ، جسٹس منصور علی شاہ اضافی نوٹ دین گے۔تحریری رائے وچ لکھیا گیا اے کہ شفاف ٹرال بغیر معصوم شخص نوں پھانسی اُتے چڑھایا گیا، ذوالفقار علی بھٹو خلاف جدوں کیس چلایا گیا ایس ویلے عدالتاں دی آئینی حیثیت ہی نہیںسی، جدوں کیس چلایا گیا اوس ویلے ملک وچ مارشل لا سی تے بنیادی حقوق معطل سن۔