نواتوشہ خانہ ریفرنس : عمران خان تے بشری بی بی دے جسمانی ریمانڈ وچ7دناں دی توسیع

اسلام آباد/راولپنڈی(بیورورپورٹ) نویں توشہ خانہ ریفرنس وچ بانی پی ٹی آئی عمران خان تے بشری بی بی دے جسمانی ریمانڈ وچ توسیع کردتی گئی، احتساب عدالت نے بانی پی ٹی آئی تے بشری بی بی دا ہور7 دن جسمانی ریمانڈ منظور کرلیا۔میڈیا دے مطابق نیب نے نویں توشہ خانہ ریفرنس وچ عمران خان تے بشری بی بی دے جسمانی ریمانڈ وچ 14 دناں دی توسیع منگی سی۔اج عدالت نے نیب دی درخواست منظور کر لئی تے دوناں ملزماںدا 7 روزہ جسمانی ریمانڈ دے دتا۔ ملزماںنوں دوبارہ 29 جولائی نوں عدالت وچ پیش کیتا جائے گا۔