بجلی بلاں دی سبسڈی اُتے آئی ایم ایف نوں اعتراض اے تے گل بات ہوسکدی اے ،عظمی بخاری

لہور(پنجابی میڈیا)وزیرِاطلاعات پنجاب عظمی بخاری نے آکھیا اے کہ بجلی بلاں دی سبسڈی اُتے آئی ایم ایف نوں اعتراض اے تے گل ہوسکدی اے، اپنی چھت اپنا گھر پروگرام لئی قرض بلاسود اے۔لہور وچ پریس کانفرنس کر دیاں ہو یاں وزیرِاطلاعات پنجاب عظمی بخاری نے آکھیا اپنی چھت اپنا گھر پروگرام دی ماہانہ 14 ہزار روپے قسط رکھی گئی اے، ایس قرضے دی ادائیگی 7 ورھیاں وچ ہوئے گی، اپنا گھر ہر انسان لئی بوہت اہمیت رکھدا اے، ساریاں پروگراماں دی فنڈنگ تے تفصیل دے بعد اعلان ہپںدا اے۔اونہاں نے آکھیا کہ پنجاب وچ وڈی تعداد وچ لوگ اپنی چھت اپنا گھر پروگرام لئی اپلائی کر رہے نیں، وزیراعلی مریم نواز اپنی چھت اپنا گھر پروگرام لائیاں، 78ہزار توںوَدھ لوگ اپنی چھت اپنا گھر پروگرام لئی اپنیاں درخواستاں جمع کرا چکے نیں۔عظمی بخاری نے آکھیا بینک تے ہورادارے ایسے پروگرام لئی سروس چارجز لیندے نیں، پنجاب حکومت سروسز چارجز تے ٹیکس خود ادا کرے گی، ایس پروگرام وچ 2 لکھ 40 ہزار کالاں آ چکیاں نیں۔