نواز شریف انسٹیٹیوٹ آف کینسر ٹریٹمنٹ اینڈ ریسرچ بل دی عدم منظوری، مریم نواز برہم، سخت نوٹس لے لیا

وزیراعلیٰ پنجاب ولوں بل دی منظوری لئی ممبراں نوں اج ہر صورت پنجاب اسمبلی اپڑن دی ہدایت کیتی گئی

اسلام آباد (بیورورپورٹ) پچھلے دن پنجاب اسمبلی اجلاس وچ نوازشریف انسٹیٹیوٹ آف کینسر ٹریٹمنٹ اینڈ ریسرچ 2025 دے بل دی عدم منظوری تے وزیراعلیٰ مریم نواز نے برہمی دا اظہار کردے ہوئے سخت نوٹس لے لیا۔ رپورٹ دے مطابق پارٹی ذرائع نے آکھیا کہ مریم نواز نے ارکان اسمبلی مطلوبہ تعداد پورے نہ ہون تے ناراضی دا اظہار کیتا، ایہناں ولوں بل دی منظوری لئی ممبراں نوں اج ہر صورت پنجاب اسمبلی اپڑن دی ہدایت کیتی گئی۔ پارٹی ذرائع نے آکھیا کہ مسلم لیگ (ن) دے سارے ممبران اسمبلی نوں اج دے اجلاس وچ رلت لئی وزیراعلیٰ مریم نواز دے احکامات اپڑا دتے گئے۔ نوازشریف انسٹیٹیوٹ آف کینسر ٹریٹمنٹ اینڈ ریسرچ 2025 دا بل اپوزیشن ولوں کورم دی نشاندہی دے بعد منظور نہیں ہو سکیا سی۔