واپس جائون والے افغان شہریاں دی مدد لئی فیڈرل کنٹرول روم قائم
افغان شہری ہراساں کیتے جائون دے خلاف ہیلپ لائن اُتے شکایت کر سکدے نیں
اسلام آباد (بیورورپورٹ) واپس جائون والے افغان شہریاں دی مدد لئی وفاقی سطح تے فیڈرل کنٹرول روم قائم کر دتا گیا۔ افغان شہری ہراساں کیتے جائون دے خلاف ہیلپ لائن تے شکایت کر سکدے نیں۔ فیڈرل کنٹرول روم آئی ایف آر پی ہیلپ لائن دے نام توں این سی آئی ایم سی وچ قائم کیتا گیا اے۔کنٹرول روم یا پیلپ لائن 24 گھنٹے فعال رہوے گی جس دا مقصد افغان شہریاں دی مدد تے وطن واپسی دے دوران ہراساں کیتے جائون دی شکایتاں نوں دور کرنا اے۔کنٹرول روم تے ہیلپ لائن دا سٹاف واپس جائون والے افغانیاں نوں تنگ کیتے جائون تے ہراساں کرن دی شکایتاں تے کاروائی کرے گا۔
