فیض حمید دے کورٹ مارشل اُتے قیاس آرائیاں بند ہون—ڈی جی آئی ایس پی آر
راولپنڈی (بیورو رپورٹ): ڈی جی آئی ایس پی آر لیفٹیننٹ جنرل احمد شریف چوہدری نے واضح کیتا ہے کہ سابق لیفٹیننٹ جنرل فیض حمید دے کورٹ مارشل بارے قیاس آرائیاں نہیں ہونیاں چاہیدیاں، کیوںکہ ایہہ مکمل طور ’تے قانونی تے عدالتی عمل ہے۔
سینئر صحافیاں نوں بریفنگ دِتے ہوئیاں ترجمان پاک فوج نے آکھیا کہ فیض حمید دا کیس قانون مطابق چل رہا ہے۔
اوہناں دا کہنا سی:
“جِیویں ہی عملدرآمد مکمل ہووے گا تے کوئی فیصلہ سامنے آوے گا، اس بارے میڈیا نوں باقاعدہ آگاہ کیتا جائے گا۔”
انہاں زور دِتا کہ کورٹ مارشل جیہے حساس معاملے اُتے غیر ضروری تبصرہ تے قیاس آرائیاں نقصاندہ ہوندیاں نیں۔
ڈی جی آئی ایس پی آر نے ایہہ وی کہا کہ سوشل میڈیا ’تے جیہڑے اکاونٹس ریاست تے فوج دے خلاف بیانیہ چلا رہے نیں، اوہہ زیادہ تر بیرونِ ملک توں چلائے جا رہے نیں۔
فوج دے ترجمان نے مزید آکھیا:
“پاکستان نے افغانستان اُتے کوئی حملہ نہیں کیتا۔ ساڈی پالیسی دہشت گردی دے خلاف ہے، افغانی عوام دے خلاف نہیں۔”
انہاں کہا کہ بلوچستان حکومت نیشنل ایکشن پلان ’تے بھرپور عمل کر رہی ہے تے دہشت گردی دے خلاف جیہڑیاں کمیٹیاں بنیاں نیں، اوہناں وچ فوج دے نمائندے وی شامل نیں۔
ڈی جی آئی ایس پی آر نے افغان حکام نوں پیغام دِتا کہ:
“افغان رجیم دہشت گرداں خلاف قابلِ تصدیق کارروائی کرے۔ قابلِ تصدیق اقدامات توں بغیر کوئی مذاکرات ممکن نہیں۔
