پنجاب حکومت دا پیٹرول موٹرسائیکل تے رکشیاں دی پروڈکشن تے پابندی، ماحول دوست اقدامات دا اعلان
لہور وچ پنجاب حکومت نے پیٹرول موٹرسائیکل تے رکشے دی تیاری تے پابندی لاؤن دا فیصلہ کر لیا اے۔ وزیر اعلیٰ پنجاب مریم نواز شریف دی صدارت وچ انسداد اسموگ لئی کابینہ کمیٹی دا اجلاس ہویا، جدے وچ فیصلہ کیتا گیا کہ:
- پیٹرول نال چلن والے موٹر سائیکل تے رکشیاں مرحلہ وار بند کیتیاں جان گیاں۔
- صوبائی اداریاں صرف الیکٹرک تے ہائبرڈ گاڑیاں خریدن گے، جدکہ گھریلو سطح تے پانی نال گاڑیاں دھون تے مکمل پابندی لگائی گئی اے۔
- پنجاب وچ جدید رنگین کوڑا دان نصب کیتے جان گے، تے پلاسٹک تے زہریلا دھواں پیدا کرن والی اشیاء ساڑن تے سخت سزاواں لاگو ہون گیاں۔
- مقررہ معیار توں ودھ دھواں والی گاڑیاں دی مستقل بنیاداں تے ٹیسٹنگ لئی پبلک پرائیویٹ پارٹنرشپ ورکشاپاں قائم کیتیاں جان گیاں۔
سینئر وزیر مریم اورنگزیب نے اجلاس وچ تفصیلی بریفنگ دتی:
- پنجاب دا پہلا اسٹیٹ آف دی آرٹ ایئر کوالٹی مانیٹرنگ نیٹ ورک قائم ہو چکیا اے۔
- AQI Forecast System دے ذریعے اسموگ تے فضائی معیار دی بروقت نشاندہی ممکن ہو گئی اے۔
- لہور تے مضافاتی علاقے وچ فصل ساڑن والے واقعات وچ 88 فیصد کمی آئی اے، نگرانی لئی ڈرونز تے سیٹلائٹ ٹریکنگ استعمال کی جا رہی اے۔
- فوری کارروائی لئی کوئیک ریسپانس سینٹر تے فورس قائم کی گئی اے۔
- ملک دا پہلا ایکو چیٹ بوٹ، موبائل ایپلیکیشن، تے پبلک ڈیش بورڈ فعال نیں۔
- صوبے دے 18 اضلاع وچ 41 ایئر کوالٹی مانیٹرنگ سسٹمز کام کر رہے نیں، اگلے سال ہور 100 سینسر لگائے جان گے۔
- پنجاب دے پہلے ایمیشن ٹیسٹنگ سسٹم دے ذریعے ہن تک 3 لاکھ گاڑیاں دی ٹیسٹنگ مکمل ہو چکی اے۔
- اسموگ وار روم وی قائم کیتا گیا اے، جتھے 8500 CCTV کیمراواں دے ذریعے انڈسٹری، کار واش اسٹیشنز تے آلودگی والے مقامات دی نگرانی کیتی جا رہی اے۔
