افغانستان وچ بارودی مواد پھٹن نال 3نوجوان جاں بحق
کابل (نیٹ نیوز) افغانستان دے صوبہ اروزگان وچ بارودی مواد پھٹن نال 3 نوجوان جاں بحق ہو گئے۔ عالمی میڈیا دی رپورٹ دے مطابق صوبائی پلس دے ترجمان اروزگانی نے تصدیق کردیاں دسیا کہ ایہہ واقعہ ضلع چارچینو دے علاقے شیرخانی وچ اوس ویلے پیش آیا جدوں 13توں 18 سال دے وچکار دی عمر دے 3منڈے بارودی مواد نال کھیڈ رہے سن کہ ایس دوران اچانک دھماکا ہو گیا۔ واضح رہوے کہ افغانستان وچ پچھلے 10 دناں دے دوران ایس نوعیت دا ایہہ تیجا واقعہ اے۔ ایس توں پہلے پرانی جنگاں وچ پھٹن نال رہ جان والے دھماکہ خیز مواد دے پھٹن نال قندھار تے شمالی بلخ صوبیاں وچ ہون والے وکھرے وکھرے واقعات وچ بالاں سنے 4 افراد جاں بحق تے 9خمی ہو گئے سن۔
