ا 11ویں این ایف سی کمیشن دا افتتاحی اجلاس مالیاتی امور لئی ورکنگ گروپس بنانے دا فیصلہ

این ایف سی اجلاس، ایف بی آر نے ٹیکس وصولیاں دا 5 فیصد صوبیاں نوں دین دی مخالفت کردتی
اسلام آباد (این این آئی) گیارہویں قومی مالیاتی کمیشن دے افتتاحی اجلاس وچ مالیاتی امور نوں اگے ودھان لئی ورکنگ گروپ بنان دا فیصلہ کیتا گیا اے۔ وزیر خزانہ محمد اورنگزیب دی سربراہی وچ گیارہویں قومی مالیاتی کمیشن دا اجلاس ہویا جیہدے وچ سندھ تے کے پی دے وزرائے اعلیٰ بطور صوبائی وزیر خزانہ شریک ہوئے جد کہ پنجاب تے بلوچستان دے وزرائے خزانہ تے پرائیویٹ ممبرا ن اجلاس وچ موجود سن۔ اجلاس وچ وفاقی وزارت خزانہ ولوں اپنی مالی صورتحال تے بریفنگ دتی گئی جدکہ اجلاس وچ چاراں صوبیاں نے وی اپنی مالی پوزیشن تے بریفنگ دتی۔ وزیر خزانہ نے وزرائے اعلیٰ، صوبائی وزرائے خزانہ، سیکرٹریز تے دوجے ارکان دا اجلاس وچ رلت تے شکریہ ادا کیتا۔ محمد اورنگزیب نے آکھیا کہ اج دا اجلاس آئینی ذمہ واری تے باہمی تعاون دا اہم موقع اے۔ فورم آئین پاکستان دے آرٹیکل 150 دے تحت قائم کیتا گیا سی، ایس پس منظر وچ ایس اجلاس دی اہمیت ہور ودھ جاندی اے۔ وفاقی حکومت دا واضح تے پختہ عزم سی کہ 11ویں این ایف سی دا افتتاحی اجلاس کسے تاخیر دے بغیر بلایا جائے۔ وزیراعظم نے خود ایس گل وچ گہری دلچسپی لئی کہ ایہہ اجلاس چھیتی چھیتی ہووے۔ صوبیاں نے وی ایس آئینی ذمہ واری نوں ویلے تے ادا کرن دا بھرویں ارادہ ظاہر کیتا۔ وزیر خزانہ دا آکھنا سی کہ پنجاب، خیبر پختوانخوا تے سندھ وچ ان والے تباہ کن سیلاب دے کارن ایہہ اجلاس موخر کرنا پیا۔ این ایف سی دے حوالے نال قیاس آرائیاں، خدشیاں دا حل مخلصانہ تے شفاف مکالمہ اے۔ اج اسیں ایتھے کھلے ذہن تے بغیر کسے تعصب دے موجود نیں۔ ساڈی پہلی ترجیح اک دوجے دی گل سننا اے۔ وفاقی حکومت ایتھے صوبیاں دے موقف نوں سنن لئی موجود اے۔ امید اے کہ صوبے وی اک دوجے دے نال تعمیری تعاون دے جذبے نال اگے ودھاں گے۔ اوہناں نے ہور آکھیا کہ صوبیاں ولوں نیشنل فسکل پیکٹ تے دستخط انتہائی قابل قدر اے۔ ایہہ ساڈے مشترکہ عزم تے قومی مفاد وچ رل کے کم کرن دی صلاحیت دا ثبوت اے۔ صوبیاں دا لازمی سرپلسز دے حصول، آئی ایم ایف پروگرام تے عملدرآمد یقینی بنان تے تعاون قابل تحسین اے۔ وزیر خزانہ نے آکھیا کہ ایس سال ملک نوں بھارت ولوں غیر معمولی خطریاں تے سیلاب جیہے چیلنجاں دا سامنا کرنا پیا۔ ایہناں کٹھن حالات وچ اسیں اک مضبوط وفاق دی صورت وچ متحد کھڑے رہے۔ این ایف سی دے حوالے نال قیاس آرائیاں، خدشیاں دا حل مخلصانہ تے شفاف مکالمہ اے۔ اج اسیں ایتھے کھلے ذہن تے بغیر کسے تعصب دے موجود نیں۔ ساڈی پہلی ترجیح اک دوجے دی گل سننا اے۔ وفاقی حکومت ایتھے صوبیاں دے موقف نوں سنن لئی موجود اے۔ امید اے کہ صوبے وی اک دوجے دے نال تعمیری تعاون دے جذبے نال اگے ودھاں گے۔ اوہناں نے ہور آکھیا کہ صوبیاں ولوں نیشنل فسکل پیکٹ تے دستخط انتہائی قابل قدر اے۔ ایہہ ساڈے مشترکہ عزم تے قومی مفاد وچ رل کے کم کرن دی صلاحیت دا ثبوت اے۔ صوبیاں دا لازمی سرپلسز دے حصول، آئی ایم ایف پروگرام تے عملدرآمد یقینی بنان تے تعاون قابل تحسین اے۔ وزیر خزانہ نے آکھیا کہ ایس سال ملک نوں بھارت ولوں غیر معمولی خطریاں تے سیلاب جیہے چیلنجاں دا سامنا کرنا پیا۔ ایہناں کٹھن حالات وچ اسیں اک مضبوط وفاق دی صورت وچ متحد کھڑے رہے۔