جیہڑے جج انصاف فراہم نہیں کرسکدے اوہناں نوں عہدہ چھڈ دینا چاہیدا اے:علمیہ خان

راولپنڈی(این این آئی) عمران خان دی ہمشیرہ علیمہ خان دا آکھنا اے کہ جیہڑے جج انصاف فراہم نہیں کر سکدے اوہناں نوں عہدہ چھڈ دینا چاہیدا اے۔ عدالت دے باہر میڈیا نال گل بات کردیاں علیمہ خان نے بانی چیئرمین پی ٹی آئی دی مبینہ آئیسولیشن تے تشویش دا اظہار کردیاں آکھیا کہ قنون دے مطابق ہفتہ وار فیملی وکلا تے رشتہ داراں دی ملاقات دی اجازت موجود اے پر ایہدے تے مکمل عمل نہیں ہو رہیا۔ علیمہ خان دا آکھنا سی کہ اسلام آباد ہائیکورٹ عمران خان دی اپیلاں سماعت لئی مقرر نہیں کر رہی کیوں جے اپیل سنی گئی تے اوہناں نوں ضمانت دینا پووے گی۔ اوہناں نے آکھیا کہ اوہناں دے خلاف مقدمے وچ صرف سزا سنان دی چھیتی اے تے اوہناں نوں دسیا گیا اے کہ آئندہ دس توںبارہ دن وچ سزا سنان دا ارادہ اے پر اوہ احتجاج توں پچھے نہیں ہٹن گئیاں۔ علیمہ خان نے دعویٰ کیتا کہ اوہناں دے نام توں اک جعلی انٹرویو بھارت وچ مصنوعی ذہانت راہیں چندمنٹ وچ پھڑیا گیا جیہدے توں ثابت ہُندا اے کہ جعلسازی پاکستان وچ کیتی گئی۔ اوہناں نے آکھیاکہ پاکستان میڈیا اوہناں دے انٹرویوز نشر نہیں کردا جد کہ بین الاقوامی میڈیا مسلسل رابطے وچ اے۔اوہناں نے آکھیا کہ اوہناں دے خلاف مقدمے وچ صرف سزا سنان دی چھیتی اے تے اوہناں نوں دسیا گیا اے کہ آئندہ دس توںبارہ دن وچ سزا سنان دا ارادہ اے پر اوہ احتجاج توں پچھے نہیں ہٹن گئیاں۔ علیمہ خان نے دعویٰ کیتا کہ اوہناں دے نام توں اک جعلی انٹرویو بھارت وچ مصنوعی ذہانت راہیں چندمنٹ وچ پھڑیا گیا جیہدے توں ثابت ہُندا اے کہ جعلسازی پاکستان وچ کیتی گئی۔ اوہناں نے آکھیاکہ پاکستان میڈیا اوہناں دے انٹرویوز نشر نہیں کردا جد کہ بین الاقوامی میڈیا مسلسل رابطے وچ اے۔