کوئی نصیحت نہ دینا ای سب توں وڈی نصیحت اے، اداکارہ ماہرہ خان
کراچی (بیورورپورٹ)پاکستان دی معروف اداکارہ ماہرہ خان دا کہنا اے کہ میں ماضی دی ماہرہ خان نوں کوئی نصیحت نہیں کراں گی ، صرف اوہنوںگلے لانا چاہاں گی۔ اداکارہ ماہرہ خان تے اداکار فواد خان حال ای وچ جیو پوڈ کاسٹ دے مہمان بنے سن جس دوران ماہرہ تے فواد خان نے مبشر ہاشمی دے مختلف تے دلچسپ سوالاں دے جواب دتے۔فواد خان دا کہنا سیکہ میرے کول ایس حوالے نال کوئی نصیحت نہیں، میرا خیال اے کہ کوئی نصیحت نہ دینا ای سب توں وڈی نصیحت اے، کیوں کہ جے میں اوہ سب جو میں ماضی وچ کیتا اوہ نہ کردا تے شاید وچ اج اوہ نہ ہوندا جو میں اج آں ۔فواد خان موجب ایہ سب اوہ چیزاں نیں کہ جے میں اوہناں وچتبدیلی دا سوچاں تے اوہدا مطلب مینوں پچھتاوا اے تے جے میں کجھ تبدیلی چاہاں وی تے اوہ میرے ہتھ وچ نہیں۔ دوجے پاسے اداکارہ ماہرہ خان نے وی فواد خان دے بیان تے اوہناں دی تائید کردیاں ہوئیاں کہیا کہ میرے کول وی اپنے ماضی لئی کوئی نصیحت نہیں پر جے میں اپنیاں اکھاں بند کرکے اوہناں جذبات ، احساسات تے وقت نوں محسوس کراں تے میں خود نوں صرف گلے لانا چاہاں گی۔
