لہور، سی سی ڈی دے نال مبینہ مقابلیاں وچ 4 منشیات فروش ہلاک
لہور (سٹی رپورٹر) لہور دے مختلف مقامات تے کرائم کنٹرول ڈیپارٹمنٹ (سی سی ڈی) دے نال مبینہ مقابلیاں وچ 4 منشیات فروش ہلاک ہو گئے۔ ایس حوالے نال پُلس نے دسیا کہ مبینہ پُلس مقابلے نشتر تے کاہنہ دے علاقے وچ ہوئے ۔ سی سی ڈی ماڈل ٹان دے مبینہ مقابلے وچ نوید بلا تے انجم انجو مارے گئے جدکہ کاہنہ مبینہ مقابلے وچ شاہد شاہدی تے مجاہد حاجی ہلاک ہوگئے۔ پُلس موجب 4 ملزمان اپنے ساتھیاں دی فائرنگ نال ہلاک ہوئے، ملزمان دیاں نعشاں پوسٹ مارٹم لئی ہسپتال منتقل کر دتیاں گئیاں نیں ۔ پُلس موجب مارے گئے ملزمان منشیات فروشی سنے سنگین وارداتاں وچ ملوث سن۔
